10

ദാം​ബു​ള്ള: ത്രി​രാ​ഷ്ട്ര ക്രി​ക്ക​റ്റ് പ​ര​മ്പ​ര​യി​ലെ ആ​ദ്യ മ​ത്സ​ര​ത്തി​ൽ ശ്രീ​ല​ങ്ക എ ​ടീ​മി​നെ​തി​രേ ഇ​ന്ത്യ എ​യ്ക്ക് നാ​ട​കീ​യ ജ​യം. തോ​ൽ​വി​യു​ടെ വ​ക്കി​ൽ നി​ന്നാ​ണ് അ​വി​ശ്വ​സ​നീ​യ​മാ​യ ഒ​രു തി​രി​ച്ചു​വ​ര​വി​ലൂ​ടെ ഇ​ന്ത്യ എ​ട്ടു റ​ൺ​സി​ന്‍റെ ആ​വേ​ശ​ക​ര​മാ​യ വി​ജ​യം സ്വ​ന്ത​മാ​ക്കി​യ​ത്.

അ​ർ​ഷാ​ദ് ഖാ​ൻ എ​റി​ഞ്ഞ 48-ാം ഓ​വ​റി​ലെ നാ​ട​കീ​യ രം​ഗ​ങ്ങ​ളാ​ണ് ക​ളി ഇ​ന്ത്യ​യു​ടെ കൈ​ക​ളി​ലേ​ക്ക് എ​ത്തി​ച്ച​ത്. ആ ​ഓ​വ​റി​ലെ വെ​റും നാ​ലു പ​ന്തു​ക​ൾ​ക്കി​ട​യി​ൽ ശ്രീ​ല​ങ്ക​യു​ടെ അ​വ​സാ​ന മൂ​ന്നു വി​ക്ക​റ്റു​ക​ൾ പി​ഴു​താ​ണ് ഇ​ന്ത്യ വ​ൻ വി​ജ​യം ആ​ഘോ​ഷി​ച്ച​ത്.

സ്കോ​ർ: ഇ​ന്ത്യ 277/6 ശ്രീ​ല​ങ്ക 269/10 (48.5). ഇ​ന്ത്യ ഉ​യ​ർ​ത്തി​യ 278 റ​ൺ​സ് വി​ജ​യ​ല​ക്ഷ്യ​ത്തി​ലേ​ക്ക് മി​ക​ച്ച തു​ട​ക്ക​മാ​ണ് ല​ങ്ക​യ്ക്ക് ല​ഭി​ച്ച​ത്. നി​രോ​ഷ​ൻ ഡി​ക്‌​വെ​ല്ല​യും (45 പ​ന്തി​ൽ 47), അ​വി​ഷ്ക ഫെ​രാ​ൻ​ഡോ​യും (59 പ​ന്തി​ൽ 45) ഓ​പ്പ​ണിം​ഗ് വി​ക്ക​റ്റി​ൽ 93 റ​ൺ​സ് ചേ​ർ​ത്തു.

എ​ന്നാ​ൽ പി​ന്നീ​ട് ഇ​രു​വ​രെ​യും എ​ട്ടു റ​ൺ​സെ​ടു​ത്ത നു​വാ​നി​ദു ഫെ​രാ​ൻ​ഡോ​യേ​യും ല​ങ്ക​യ്ക്ക് ന​ഷ്ട​മാ​യി. എ​ന്നാ​ൽ നാ​ലാം വി​ക്ക​റ്റി​ൽ ക്രീ​സി​ൽ ഒ​ന്നി​ച്ച സ​ദീ​ര സ​മ​ര​വി​ക്ര​മ - സ​ഹ​ൻ അ​രാ​ച്ചി​ഗെ സ​ഖ്യം 74 പ​ന്തി​ൽ നി​ന്ന് 78 റ​ൺ​സ് ചേ​ർ​ത്ത​തോ​ടെ മ​ത്സ​രം ല​ങ്ക​യ്ക്ക് അ​നു​കൂ​ല​മാ​യി.

സ​ദീ​ര, ര​വി​ന്ദു ഫെ​രാ​ൻ​ഡോ (ഒന്ന്), ച​മി​ക ക​രു​ണ​ര​ത്നെ (ഒമ്പത്) എ​ന്നി​വ​രെ ന​ഷ്‌​ട​മാ​യ ല​ങ്ക 44 ഓ​വ​റി​ൽ ആ​റി​ന് 237 റ​ൺ​സെ​ന്ന നി​ല​യി​ലാ​യി​രു​ന്നു. 16 പ​ന്തി​ൽ നി​ന്ന് 23 റ​ൺ​സെ​ടു​ത്ത വാ​നു​ജ സ​ഹ​ൻ, ക്യാ​പ്റ്റ​ൻ സ​ഹ​ൻ അ​രാ​ച്ചി​ഗെ​യ്ക്ക് (74) ഉ​റ​ച്ച പി​ന്തു​ണ ന​ൽ​കി​യ​തോ​ടെ ല​ങ്ക വി​ജ​യ​ത്തി​ന് അ​ടു​ത്തെ​ത്തി​യ​താ​യി​രു​ന്നു.

പി​ന്നീ​ടാ​ണ് അ​വ​സാ​ന ഓ​വ​റു​ക​ളി​ൽ ഇ​ന്ത്യ​ൻ ബൗ​ള​ർ​മാ​ർ മ​ത്സ​ര​ത്തി​ന്‍റെ ചി​ത്രം ത​ന്നെ മാ​റ്റി​ക്ക​ള​ഞ്ഞ​ത്. ഇ​ന്ത്യ​യ്ക്കാ​യി അ​ർ​ഷാ​ദ് ഖാ​ൻ, അ​നു​കു​ൽ റോ​യ്, ആ​യു​ഷ് ബ​ധോ​നി, വി​പ്ര​ജ് നി​ഗം എ​ന്നി​വ​ർ ര​ണ്ടു വി​ക്ക​റ്റ് വീ​തം വീ​ഴ്ത്തി.

നേ​ര​ത്തെ ടോ​സ് നേ​ടി ബാ​റ്റി​ങ്ങി​നി​റ​ങ്ങി​യ ഇ​ന്ത്യ എ ​ഋ​തു​രാ​ജ് ഗെ​യ്ക്വാ​ദി​ന്‍റെ (114 പ​ന്തി​ൽ 101) സെ​ഞ്ചു​റി​യു​ടെ​യും ക്യാ​പ്റ്റ​ൻ തി​ല​ക് വ​ർ​മ​യു​ടെ (97 പ​ന്തി​ൽ 60) അ​ർ​ധ​സെ​ഞ്ചു​റി​യു​ടെ​യും ക​രു​ത്തി​ലാ​ണ് 277 റ​ൺ​സി​ലെ​ത്തി​യ​ത്.